தோல்வி

ஆறாம் விரலாய் சிகரட்
விட முற்பட்டு புகையை மட்டுமே விடும் மனம்
கெடுதல்களை நன்கு ஆய்ந்த அறிவு
இருந்தும் விட முடியாமல் ஒரு இனம் புரியாத கடினம்
இதோ கஜினி முகமதை போல ஐந்தாம் முறை முயற்சி
கரைந்தது காலம் மட்டுமல்ல கூடவே பணமும் உடம்பும் தான்
கெடுகள் நீண்டுகொண்டே போகின்றன
முடிவு மட்டும் கண்ணில் தெரியவில்லை

தனிமை

எவ்வளவு நேரம் தான் இணையத்தில் உலாவுவது
கவிதை யோசிப்பது
வெள்ளை பீடி கரைந்து புரண்டோடுகிறது
நேரத்தை கொல்ல கிடைத்த அஸ்திரங்கள் எல்லாம் எய்தி ஆயிற்று
இருந்தும் கொன்றது சில மணிகளே
ஒரு வெறுமை எங்கிருந்தோ வீடு வந்து சேர்ந்ததும் ஒற்றிக்கொள்கிறது
கொல்கிறது
இதை தான் பசலை நோய் என்று சொல்வார்களோ?
வீடு தோறும் ஒரு நிசப்தம்
யோசித்து பார்க்கும் பொழுது நாம் விரும்பும் விரும்பிய நபர்களை
நினைத்து பார்க்க இது ஒரு சந்தர்ப்பம்
ஆனால் இதற்கு விலை என் சந்தோஷம் என்று நினைக்கும் பொழுது
மெல்ல படுக்கையறை கண் முன் தோன்றுகிறது
நித்திரை தனிமையின் எதிரி தனித்திருப்பவர்களுக்கு
நல்லதோர் நண்பன்

மீண்டும் பிறந்தேன்

என் மகளுக்காக
அவளின் மழலை பேச்சுக்காக
அந்த சிறு கை கால் அசையும் அழகிற்காக
மாசு மறுவற்ற உள்ளத்திற்காக
சிரித்தும் அழுதும் செய்யும் சேட்டைகளுக்காக
இந்த உலகில் இந்த நிமிடத்தில் இதை விட வேறு பெரியது
எதுவும் இல்லை என்று தான் தோணுகின்றது
இந்த மழலை பருவத்தை மீண்டும் ரசித்து அனுபவிக்க
நானும் சிறு பிள்ளை ஆகின்றேன்

தமிழனின் அபத்தங்கள்

வரிசையில் வர தெரியாது
அலைபேசியில் மெதுவாக பேச தெரியாது
சாலை விதிகளை மதிக்க தெரியாது
விபத்தில் சிக்கியவரை உதவத்தெரியாது
மென்மையாக பேச தெரியாது
சுமூக உறவு எவருடனும் கிடையாது
டாஸ்மாக் திறந்தவுடன் முண்டியடிக்க நன்றாக தெரியும்
மூடப்பழக்கங்கள் அனைத்தும் அத்துப்படி
மிருகங்களிடம் நேசம் கிடையாது
பெரியவர்களிடம் மரியாதை தெரியாது
லஞ்சம் குடுக்க வாங்க தெரியும்
வெட்டி பேச்சில் வீரர்கள்
உண்மையான பிரச்சனை என்றால் ஒதுங்கும் கோழைகள்
வெட்டி பந்தா செம்மையாக செய்பவர்கள்
அடுத்தவர்க்கு ஆப்பு வைக்கும் கலை கண்டவர்கள்
இதற்கு பேர் ஒரு சமுதாயம்
இதற்கு வண்டலூர் மிருக காட்சி சாலை எவ்வளவோ மேல்

மீண்டும் ஓர் சாமியார்

மனிதனை மனிதன் வணங்கும்
பழக்கம் ஒழிந்தாலொழிய
இன்னும் பல நித்யாக்கள் கிளம்பி வந்து கொண்டே தான் இருப்பார்கள்
கடவுள பாக்க கோயிலுக்கு போனா தேவநாதன் கொடுமை
சாமியார்கிட்ட போன ராஜசேகரன் கொடுமை
இதுக்கு கடவுள் இல்லன்னு நம்பறதே மேல்
அடுத்து யாரு ஜக்கியா ?